நிறமற்ற பறவை

இன்று என்னுடைய அறுபத்து ஏழாவது பிறந்த நாள். இன்னும் நிறைய மனிதர்களை அடைய வேண்டும். நல்ல வண்ணம் மண்ணில் வாழ
வேண்டும். நிறைய வாசிக்க வேண்டும். கொஞ்சம் எழுதவேண்டும்.

எல்லோர்க்கும் என்னுடைய அன்பும் வணக்கமும் நல் வாழ்த்துகளும்.

நிச்சயம் அது பறவை.
________________________


குனிந்திருந்தேன்
கால பெருவிரல் நகத்தின் வெடிப்புக்குள்.
அது அப்போதுதான் பறந்து சென்றது.
என்ன நிறப் பறவை அது
எனச் சொல்ல முடியாத
சிறகடிப்பின் வேகம்.
நிறமற்ற பறவை என
இப்போது வைத்துக் கொள்வோம்.
நிச்சயம் அது ஒரு பறவை என்பது
போதுமானதாக இருக்கிறது
மீண்டும் நிமிர்ந்து  நான்
உங்களைப் பார்க்க.

%

கல்யாண சுந்தரம்
கல்யாணி
T.S
கல்யாணியண்ணன்
நடுவான்
வள்ளி மாப்பிளை
சங்கரியப்பா
கல்யாணித் தாத்தா
மற்றும்
கல்யாண்ஜி